CAGAYAN DE ORO CITY-Nagbahad si Pres Rodrigo Duterte nga biyaan ang partido PDP-Laban kon dili maghiusa sila Sen Koko Pimentel ug Atty Rogelio Garcia.
Kini human pulos nagsilbing presidente sa duha ka paksyon sa partido si Pimentel ug Garcia.
Miingon si Garcia nga mahimo lamang molig-on ang partido kon ilhon sa grupo ni Pimentel nga lehitimo ang annual assembly diin may bag-o nang napili nga mga opisyal.
Samtang miingon si PDP-Laban Cagayan de Oro Council president Kap Marlo Tabac nga daan nang lig-on ang partido bisan nga wala pa ang grupo ni Garcia.
Kini ang hinungdan nga kumpiyansa sila nga bisan pa’g unsay mahitabo, magpabiling lig-on ang partido aron magsuporta sa mga programa ni Duterte.
Gitakdang magkita’g balik sila si Duterte ug ang duha ka paksyon sa partido sa Setyembre 1 aron hingpit silyuhan ang ilang puwersa alang sa 2019 midterm elections.
