CAGAYAN DE ORO CITY – Gimanduan ni Presidente Rodrigo Duterte ang Philippines National Police nga pahugtan ang ilang gitukod nga anti-vote buying task force usa ka adlaw sa dili pa ang adlaw sa piliay.
Namahayag si PNP Chief Oscar Albayalde nga nakamugna na ang PNP sa kapin gatus ka mga task force aron hatagan sa pagtagad ang mga reklamo sa mga tawong nahatagan ug kwarta sa pipila ka mga kandidato aron paliton ang ilang boto.
Hinoon, gitin-aw ni Albayalde nga bisan pa man wala pa matukod ang task force, kanunay nagbantay ang mga kapulisan batok sa kaso sa vote buying ug selling sa tibook nasud.
