CAGAYAN DE ORO CITY- Gitawag ni Pres Rodrigo Duterte ang tanang sakop sa CPP-NPA-NDF nga mga terorista.Kini human personal nakit-an ni Duterte ang gidangatan sa 3 ka sundalo nga gi-ambush sa mga rebeldeng NPA sa Sitio Kaleb, Barangay Kibalabag, Malaybalay City, Bukidnon.
Miingon si Pres Duterte nga dili na rebelde ang maong pundok mga terorista haom sa gihulagway kanila sa Estados Unidos.
Giduaw ni Duterte sila si Cpl Owen Yee,PFC Pat Non ug PFC Niño Christopher Talabor sa kapilya sa St Ignatius de Loyola sa Camp Evangelista sa syudad kagahapong adlawa.
Una nang maisugon nga gimando ni CPP-NPA-NDF spokesperson Jorge Madlos alyas Ka Oris nga molusad sa opensiba batok tropa sa gobierno aron i-depensa ang ilang mga balwarte tungod sa pakyas pagtuman ni Duterte sa gihimong saad ngadto kanila.
