Miabot na sa Philippine International Convention Center (PICC) sila Presidente Ferdinand Marcos Jr. ug Chinese Premier Li Qiang alang sa pagsugod sa ika-29 nga ASEAN-China Summit.
Gikatakdang hisgutan sa maong summit ang mga lakang aron mapalig-on pa ang kooperasyon tali sa China ug mga miyembrong nasod sa Association of Southeast Asian Nations (ASEAN).
Gitutokan usab sa mga lider ang mga isyu nga may kalabotan sa ekonomiya, pamuhunan, ug regional nga kalinaw ug kalig-on.
Gilauman nga mopahigayon ang duha ka lider ug ubang ASEAN officials sa mga panaghisgot nga makatampo sa mas lig-on nga relasyon sa rehiyon.
Gipadayag sa mga delegado ang paglaom nga ang summit mosangpot sa mas daghang kasabutan nga makabenepisyo sa mga nasud nga kabahin sa ASEAN ug sa China.






