Gipaniguro ni Pangulong Ferdinand Marcos Jr. nga tagdon sa gobyerno ang mga sensitibong hisgotanan pangkultura ug mga pagtuo sa mga lumulupyo sa pagpatuman sa planong Pax Silica project sa New Clark City, Capas, Tarlac.
Lakip sa iyang gikonsiderar ang kabalaka sa mga residente bahin sa posibleng maapektuhang mga lubnganan sa ilang mga namatay nga minahal.
Matod sa Pangulo, sensitibo ang gobyerno sa maong mga butang ug dili kini angay ibalewala sa pagplano sa proyekto.
Gipasalig niya nga dili tugotan nga mameligro ang mga lubnganan ug uban pang importanteng dapit nga may kalabotan sa kultura ug pagtuo sa komunidad.
Ang Pax Silica usa ka planong industriyal nga sentro nga nagtumong sa pagdani og pamuhunan sa mga industriya sama sa semiconductor ug artificial intelligence. (jane abulag)
