Gimandoan ni Pangulong Ferdinand “Bongbong” Marcos Jr. ang mga hingtungdang ahensiya sa gobyerno nga pauswagon ang mga dalan ug sistema sa transportasyon isip pagpangandam sa posibleng epekto sa Super El Niño.
Tumong niini nga masiguro ang hapsay nga paghatod sa pagkaon ug uban pang batakang panginahanglan sa nagkalainlaing lugar sa nasud.
Gipasiugda sa Pangulo ang kamahinungdanon sa pag-andam sa posibleng epekto sa grabeng kainit ug hulaw nga mahimong makaapekto sa produksiyon sa agrikultura. Lakip sa mga lakang sa gobyerno ang pagsiguro sa igong suplay sa pagkaon ug tubig, ingon man ang pagtabang sa mga mag-uuma.
Pinaagi sa maayong pagplano ug hapsay nga transportasyon, gilaoman nga mamenosan ang risgo sa kakulang sa suplay ug ang posibleng pagsaka sa presyo sa mga batakang palaliton. (jane abulag)
