Gipasalig ni Presidente Ferdinand Marcos Jr nga mulahutay ang tabang sa gobyerno ilabe na sa tanan naagian sa managsunod nga bagyo sa Luzon ug kusog nga Linog sa Visayas, ilabe na sa Bogo City, Cebu.
Subay sa iyang bag-ong podcast, gibutyag ni Marcos nga ang mga bata maoy nakapamotibar kaniya aron paspasan ang paghatag sa ayuda sa mga biktima sa kalamidad.
Nasayud ang presidente nga ang mga bata maoy makaloloy kung adunay baha o kalit nga linog.
Gipaambit usab niini ang managlahing panginahanglan sa mga tawong nabahaan ug biktima sa linog.
Alang kaniya ang mga nabahaan mahimong magpasilong sa evacuation centers, apan ang mga biktima sa linog mas mupili nga mangatulog sa hawanan inay magpasilog sa mga nagliki nga pasilidad sama sa mga tunghaan.
Gipamugos sa presidente kung unsa ka bilinhon ang dinaliang relief response panahon sa kalamidad.
