Presidente Marcos, gipirmahan na ang EO alang sa saktong paggamit sa Artificial Intelligence sa nasud

Gipirmahan na ni Presidente Ferdinand Marcos Jr. ang executive order nga mahitungod sa pagpasiugda sa Artificial Intelligence (AI) Governance Framework ug pagmugna og National Artificial Intelligence Council (NAIC).

Gipirmahan sa presidente ang Executive Order 131 niadtong Nobyembre 12 isip lagda sa pagmugna og palisiya, formulation, regulatory, coordination, instutional development, capacity-building ug pipila ka government measures anga gikinahanglan aron mapalig-on ang AI ecosystem sa nasud.

Matud ni Palace Press Officer Undersecretary Claire Castro, ang maong EO kay gaila sa AI isip kahimanan aron mapagaan ang kinabuhi sa mga Pilipino. Dugang pa ni Castro, kinahanglan nga ang AI kay dunay kapuslanan sa mga mamumuo, negosyo, komunidad, ug tibuok nasud.

Gipadayag ni Castro nga tinguha niini nga mapatuman ang responsable, luwas, etikal, ug dunay igong proteksyon aron mapabalin ang pagsalig sa publiko.

Ubos sa maong EO kay gitahasan ang NAIC nga makig-coordinate, magpasiugda, ug imonitor ang implementasyon sa AI Governance Framework. (raniel mahunyag)