Nagpasalamat si Presidente Ferdinand Bongbong Marcos Jr sa mga nagpadala og mensahe sa iyang adlaw nga natawhan niadtong Setyembre 13 pinaagi sa gipagawas nga vlog niadtong kagahapong adlawa.
Subay niini, gibasa sa pangulo ang mga sulat sa pasalamat sa mga lungsanon alang sa libreng tambal ug zero-balance billing samtang gipanawagan ang pagpalapad pa sa mga serbisyong panglawas sa ospital.
Tungod sa mga maayong komento sa iyang ika 69 nga adlawng natawhan gibutyag sa lider sa nasud ang dakong kalipay nga nabati sa katawhan ang pampublikong tabang sa gobyerno matag adlaw.
Dugang pa niini, gipasalig sa pangulo nga paninguhaon sa administrasyon nga mapatuman ang mga hangyo sa mga pasyente aron masiguro ang kaayohan sa panglawas sa matag pamilyang Pilipino.
