Gikondenar sa grupong Save the Philippines Cagayan de Oro ang ilang nakita nga pagkaselektibo ni President Ferdinand Marcos Jr. sa gipadagan nga imbestigasyon kabahin sa halapad nga korapsyon sa nasud.
Namugos si Ronald Rufin nga bisan pa’g nakamugna ang presidente sa independent investigation body, klaro nga limitado gihapon ang lihok niini ug dili makatudlo sa mas dagkong personalidad sama ni former Speaker Martin Romualdez, kinsa lakip giakusahan ni kanhi Representative Zaldy Co nga nangawkaw sa kwarta sa katawhan, subay sa iyang napagawas nga mga video.
Nabalaka si Rufin sa kahimtang sa nasud ilabi na kon hulaton pa sa katawhan ang 2028 elections, kay basin mu-grabe pa ang pagpangurakot sa mga nahibiling mga nagtakuban nga mga opisyal sa gobyerno.
