CAGAYAN DE ORO CITY, Philippines – Muligid na ang impeachment hearing batok South Korean President Yoon Suk Yeol.
Kagahapon, human mihungaw ang balita nga pandakpon ang opposition leaders sa ilang National Assembly, paspas mitumaw ang bagang ihap sa mga sibilyan aron ikondinar ang kamanduan ni President Yoon sa militar.
Hisayran nga tungod sa duha ka oras nga martial law sa South Korea, tolo ka dagkung media outlets ang napasira ug mi-undang sa operasyon tungod sa bahad nga pandakpon ang ilang mga empleyado.
Kagahapon sa buntag, nadag-an sa mayorya sa mga magbabalaod ang ruling nga imbalido ang pagdeklarar sa Martial Law ni Yoon ug mi-abante sa pagdungog sa isaka nga impeachment case.
Si Lee Jae-myung, sa liberal Democratic Party ug iladong Opposition Leader ang mibarug atubangan sa mga naglihok protesta nga mga sibilyan aron pamatud-an nga ang gahum nagpabilin sa katawhan ug wala sa pagdikta ni Yoon.
Una niini, nahimong unod sa martial law declaration ni Yoon ang alegasyon nga nakigkonsabo ang labing daku nga opposition party sa ilang nasud sa gingharina ni North Korean Leader Kim Jong Un aron lumpagon ang iyang administrasyon, hinungdan nga gigamit niya ang gahum sa militar sa pagkontrolar sa mga progresibong pundok nga halos walay puwas ang pagrally sa kadalanan, matag adlaw sa Seoul.
