Gimugna ni Senate President Vicente “Tito” Sotto III ang Presidential Drug Enforcement Authority (PRDEA) ug sa pag-amiyenda sa Section 21 sa Republic Act No. 9165 o ang Comprehensive Dangerous Drugs Act of 2002, isip kabahin sa mas lapad nga reporma batok sa iligal nga droga ug drug abuse sa nasud. Matod ni Sotto, panahon na aron repasohon ang probisyon ug iyang gisuportahan ang pag-ilis sa kasamtangang witness requirement pinaagi sa pagpatuman sa “two-witness rule”. Ang maong mga saksi mahimong duha ka ordinaryong residente sa lugar o gamiton ang body-worn cameras isip kapuli sa pisikal nga presensiya sa mga saksi.
