CAGAYAN DE ORO CITY, Philippines – Gisupak ni Presidential Sister Senator Imee Marcos ang pamahayag sa iyang pag-umangkon nga si House – Senior Deputy Majority Leader Sandro Marcos.
Wala suportahe sa senador ang impeachment complaints batok Bise Presidente Sara Duterte nga gisaka na sa hawanan sa senado.
Miingon si Marcos nga dili niya gusto ang kagubot, destabilization, ug revolutionary government.
Suhestiyon ni Marcos, mas maayong tutukan ang pagserbisyo sa katawhan inay sagulan sa politikanhong interes ang trabaho sa gobyerno.
Sa pikas bahin, mipahiyom lang si Presidente Bongbong Marcos sa reaksiyon sa iyang kamagulangang igsoon.
Miingon si Marcos nga “no choice” ang senado kay nasaka na sa ilang chamber ang mga reklamo sa Bise Presidente busa angayang buhaton nila ang gitahas kanila sa balaod.
