CAGAYAN DE ORO CITY, Philippines – Paspas ang pagsaka sa presyo sa nag-unang palaliton ug serbisyo sa Pilipinas sa bulan sa Oktobre. Kini ang rason nga misaka ang inflation rate, subay sa pagtuon sa Philippine Statistics Authority.
Gibutyag ni National Statistician – Undersecretary Claire Dennis Mapa nga nagsugod ang pagsaka sa presyo sa mga pagkaon, alcoholic products ug bugas Marso 2024 sa 24.4%.
Dunay dyutay nga pag-ubos sa inflation sa Abril sa 23.9%, laing23% sa Mayo, ug milugdan sa 22.5% sa Hunyo. Apan sa pag-abot sa Oktobre, subling misaka ang presyo sa bugas.
Una niini, gikan sa 1.4% sa bulan sa Setyembre, misaka pa sa 2.9% ang pagsaka sa presyo sa alcoholic beverages.
Samtang mukabat sa 2.4% ang pagsaka sa inflation sa transport sector, kundiin anaa lamang sa 2.1% sa bulan sa Setyembre ning tuiga. Maoy nagbaton sa pinaka-taas nga inflation ang sector sa pagkaon nga mitala sa 9.6% itand sa 5.7% sa miaging bulan.
Agig sumada, ang consumer price index (CPI) sa Oktorbre misaka pa sa 2.3 percent year-on-year basis, itande sa 1.9 percent sa bulan sa Setyembre.
Hinoon, ang pagsaka sa inflation sa Oktobre mas ubos pa kung ikomparar sa 4.9% inflation rate niadtong Oktobre 2023.
