Nakurat si Atty Egay Uy sa halos 50 porsiento nga pagsaka sa presyo sa kinilong bugas nga gibaligya sulod sa pampublikong merkado ning syudad. Si Uy, kinsa Chairman sa City Price Coordinating Council mitug-an sa BOMBO RADYO nga halos tag 60 pesos pataas na ang presyo sa usa ka kilo nga bugas, ug misukwahi na kini sa gipatuman nga balaod sa Suggested Retail Price (SRP) nga anaa lamang sa 40-45 pesos kada kilo. Gumikan sa katingalahan nga paglihok sa presyo sa bugas, nangayo’g official statement ang CPCC sa Department of Agriculture kung nganong misaka ang presyo sa bugas, ug kung gitugurtan ba kini sa balaod.
