Masaligon ang mga negosyante nga mu-ubos ra ang pesyo sa lana sa Mayo.
Kini ang gibutyag ni Engr Almarico Brito, ang presidente sa Cagayan de Oro Chamber of Commerce and Industry Foundation, Inc. (Oro Chamber) sa interbyu sa Bombo Radyo.
Namahayag si Brito nga mu-abot ra ang panahon nga muhupay ang tensyon ilabe na nga daghan ang presyur nga nadawat gikan sa Amerika ug Iran kalabot sa strait of Hormuz.
Sa pagkakaron, daan nang gilauman sa mga negosyante sa syudad nga musakapa sa “threshold” level ang presyo sa produktong petrolyo kay sige pag binombaha ang duha ka partido.
Sama sa uban pang mga panawagan, gi-awhag ni Brito ang gobyerno nga muhimo’g tin-aw nga lakang aron masustinahan ang panginahanglan sa lana sa tibook Pilipinas, kay tanan Pilipino ang biktima niining tensyon sa Middle East.
