Presyo sa noche buena products, kontrolado sa DTI

Walay angay nga ikabalaka ang mga konsumante samtang nagkadool ang Pasko, kay gipalihok sa Department of Trade and Industry Region 10 ang hugot nga pagmonitor sa presyo sa mga noche buena products. Sumala ni Mark Hembrador, enforcement officer sa DTI-10, gisusi sa ilang taskforce ang napulo ka dagkong tindahan sa syudad aron bantayan ang posibleng pagsaka sa presyo sa mga produkto nga kasagaran molihok matag holiday season. Matod niya, nagpabilin nga normal ug sulod sa suggested retail price ang tanan nilang nasusi.