Gikompirmar sa City Agriculture Office ang pagsaka sa presyo sa pula nga sibuyas sa merkado sa syudad. Apan mipasabot si Engineer Bernie Daba sa BOMBO RADYO nga kining pagmahal sa presyo, nagdepende sa gi-angkat nga presyo sa sibuyas sa Bukidnon, ug ubang bahin sa Pilipinas. Miingon si Daba nga wala lu-ag nga uma sa sibayus ang syudad busa samtang nagsaka ang demand sa komsumante, nagkamahal usab ang presyo kay gamay ra ang supply. Hinoon, wala namonitor ang City-DA nga mga tindero nga nag-abusar sa pagbaligya sa kinilo nga sibuyas kay adunay balaod nga mapasaka kanila sama sa paghoarding o ilegal nga pagpanago, lakip na ang paglapas sa balaod sa profiteering.
