Nasabtan matod pa ni Joey Pelaez, National Convenor for Entrepreneurial Advocates and Education Sector, MASADA, ang presyur nga giatubang sa mga magbabalaod nga posibleng nahadlok o nabalaka kung mapondohan pa ang ilang mga proyekto sa nabilin nga duha ka tuig sa ilang termino kon sila mobotar pabor sa impeachment batok kang Vice President Sara Duterte.
Apan bisan pa niini, para ni Pelaez usa kini ka oportunidad aron mapamatud-an sa katawhan kung unsa gayud ang tinood nga lihok sa administrasyong Marcos, ilabi na kon adunay kongresista nga dili mosuporta sa pagpalagpot sa bise presidente sa posisyon.
Butyag pa niya nga ang katawhang Pilipino ang direktang apektado kon tinood man nga mapresyur ang pondo sa usa ka distrito tungod sa dili pag-uyon sa kongresista sa impeachment.
Nagtuo si Pelaez nga pinaagi niini, mapamatud-an nga dili gayud seryoso sa pagserbisyo sa mga Pilipino ang administrasyon kon ang pondo gamiton isip pamaagi sa pagpugos sa mga magbabalaod.
