Mibalik sa United Kingdom si Prince Harry uban ang iyang asawa nga si Meghan Markle ug duha ka anak pinaagi sa usa ka private jet nga mibalor og 120,000 dollars matag biyahe.
Gipahayag ni Bombo Senior International News Correspondent Dolly Ilogon nga ang pangunang rason sa ilang pagbalik mao ang pagbisita sa iyang amahan nga si King Charles nga aduna karoy sakit nga cancer.
Dugang pa niini, gipaeskwela na usab sa magtiayon ang ilang pito ka tuig nga anak nga si Archie ug lima ka tuig nga si Lilibet sa usa ka tunghaan sa maong nasod.
Bisan pa man sa maong kalamboan, dili gihapon mobalik ang magtiayon sa ilang mga opisyal nga obligasyon sa royal family ug sila na mismo ang mugastos sa ilang kaugalingong seguridad.-
