CAGAYAN DE ORO CITY – Ilubong na sa katapusang pahulayan ang bana ni Queen Elizabeth II nga si Prince Philip kinsa naila nga Duke of Eh din Brah unya alas tres sa hapon sa United Kingdom apan alas 10:00 na sa gabii dinhi sa Pilipinas.
Gibutyag ni UK-based Bombo Radyo International News Correspondent Eleanor Templeman nga taga-Brgy Patag,Cagayan de Oro City nga anaa lamang sa 30 ka sakop sa Royal family nga panguluhan ni Reyna Elizabeth ang motambong sa paglubong sa prinsipe.
Gibutyag ni Templeman nga epekto kini sa COVID-19 restrictions hinungdan limitado lamang sa pamilya ni Elizabeth sa UK ug Philip ang makauban sa paglubong.
Isakay sa modified land rover ang patay’ng lawas ni Philip gikan sa Windsor Castle padulong sa St. George’s Chapel sulod sa walo ka minutos ug halaran sa katapusang misa nga molungtad sa halos usa ka oras ayha ilubong.
Gisulod ang patay’ng lawas sa prinsipe sa English oak coffin nga tinuyo nga gipahimo alang kaniya 30 ka tuig na ang nakalabay.
Sulod sa televised shortened procession ug occasion ang higayon nga ilhon ug isaulog ang sobra 70 ka tuig nga serbisyo ni Prince Philip sa reyna,UK govt ug sa Commonwealth.
Samtang simpli ug ordinaryo lamang nga paghatod sa katapusang pahulayan ang himoon sa Royal family kang Prince Philip sa St George’s Chapel sa Windsor ,United Kingdom.Kini ang tugon ni Prince Philip kaniadtong buhi pa siya kang Queen Elizabeth II nga gihatag usab sa Royal family.
Gibutyag ni UK-based Bombo Radyo International News Correspondent Benedict Castellejos nga anaa sa kinaiya sa prinsipe ang pagsilbing simpli bisan kon dako kini’g ranggo sa Royal Navy kaniadto ug kapikas usab sa reyna.
Miingon si Castellejos nga ikatupad sa paglubong ni Prinsipe Philip sa maong kapilya sila si Princess Diana ug Mother Queen nga mas unang nangamatay kaniya sa naglabay’ng katuigan sa maong nasud.
