Nabalaka si Principal Melendi Catid sa Misamis Oriental General Comprehensive High School sa kahimtang sa seguridad sa ilang mga magtutungha human sa klase human sa nahitabong bullying incident sa gawas sa ilang tunghaan. Matod pa niya, ang maong insidente nahitabo sa CR sa usa ka mini-mart duol sa eskwelahan, nga naka-trigger sa daghang kasuko ug kasubo gikan sa biktima ug sa mga ginikanan.Suhestyon ni Catid nga mabutangan og gwardiya o pulis ang mini-mart, tungod kay kini iladong tambayanan sa mga estudyante ug walay magbantay sa posibleng lihok sa mga bata ang maong lugar. Dugang pa, mangayo ang tunghaan og tabang gikan sa komunidad, barangay, ug uban pang stakeholders aron ma-monitor ug masiguro nga luwas ang mga estudyante sa ilang pagpanguli gikan sa tunghaan human sa klase.
