CAGAYAN DE ORO CITY-Nasunog ang print shop nga nahimutang diha sa Vamenta Boulevard,Brgy Carmen sa syudad kaganihang kadlawon.
Giila ni BFP investigator FO2 Jesriel Lazaga ang tag-iya sa print shop nga si Cecil Carbajosa nga nagpuyo ning syudad.Miingon si Lazaga nga hinoon walay tawo nga naangol mismo sa pag-ulbo sa kalayo.
Hinoon anaa lamang sa kapi’g 400-mil pesos ang natala nga damyos nga naglakip sa printing machine nga giingong nag-overheat hinungdan sa pag-ulbo sa kalayo.
Sa miaging semana,duha ka dagkong sunog usab ang natala sa syudad diin may kinabuhi nga nakalas partikular sa Brgy Puerto ning syudad.
