GIKOMPIRMAR sa actress ug beauty queen Priscilla Meirelles, nga siya ug ang aktor nga si John Estrada divorced na.
Namahayag ang Miss Earth 2004 nga human sa usa ka tuig nga panagbulag, hingpit nilang giselyohan ang ilang relasyon.
Sa pakighinabi kang King of All Talk Boy Abunda, niadtong Pebrero 13, mi-angkon si 42 anyos nga host nga nakaplagan na niya ang kalinaw ug kalipay sa kinabuhi, busa nakahukom kini nga sirad-an na ang kapitolo sa iyang kinabuhi uban si Estrada.
Una niini, gitug-an mi Priscilla nga misang-at siyag deborsyo didto sa Brazil, kay didto man narehistro ang ilang kasal.
Nagsugod pagligid ang kaso sa tuig 2024 ug hingpit kining natak-upan, ning tuiga.
Mahinumduman nga mismo si Priscilla ang mitug-an nga wala nalipay ang iyang ex-husband sa iyang gisang-at nga deborsyo, apan nagpatigbabaw ang iyang kagustuhan nga mulayo aron luwason ang iyang anak, dihang iyang nakita nga mas gusto ni Estrada nga magsolo sa pag-enjoy sa iyang kinabuhi .
Adunay usa ka anak nga babaye si Estrada ug Meirelles.
