CAGAYAN DE ORO CITY-Patay sa kulata sa mga piniriso ang usa ka amahan sa district jail sa lungsod sa Tubod,Lanao del Norte.
Kini sukwahi sa unang gipatoo sa mga binilanggo nga giatake sa sakit sa kasingkasing ang biktima nga si Jimmy Maghanoy Sr hinungdan gidala sa ospital sa maong lugar.
Nasuta ni SOCO medico legal officer C/Insp Dr Christian Caballes nga subay sa otopsiya nga may buak ang ulo ug bun-og ang kalawasan ni Maghanoy.
Una niini,giangkon ra usab ni Tubod District Jail Warden Sr/Insp Arnel Nacasabog nga 6 sa ilang piniriso ang mitabang pagkulata biktima tungod sa giingong dugay nang panagdumot.
May imbestigasyon nang gihimo ang BJMP ug gibalhin sa laing prisohan ang 6 ka piniriso tungod sa hitabo.
