CAGAYAN DE ORO CITY – Nakatala ang Police Regional Office 10 sa tulo ka firecracker related incidents (FRI) ug laing duha ka illegal discharge sa armas o pagpabuto sugod sa Disyembre 23 hangtod sa pagsulod sa tuig 2025.
Kini bisan kon gitratar sa PRO 10 nga ‘generally peaceful’ ang kasaulugan sa pasko ug pagsugat sa bag-ong tuig sa rehiyon.
Gibutyag ni PRO 10 Director Brig Gen Jaysen De Guzman nga epekto kini sa gipalig-on nga pagpatuman sa security plan aron walay luna ang mga dili maayong panghitabo.
Siya miingon nga wala usab mihimo’g pagpanghasi ang bisan unsa nga grupong armado nga makabalda sa kasaulugan sa katawhan sa holiday seasons.
Samtang nakabawi usab ang lower units sa balor 150-mil 867 nga nagkadaiyang klase sa mga illegal nga pabuto nga gipalusot sa rehiyon.
Hisayrang sa pagsiguro nga malinawon ug malipayon ang pagsaulog sa pasko ug bag-ong tuig sa rehiyon, kanselado ang tanang scheduled vacation leaves sa mga pulis gawas lang kon emerhensiya.
