CAGAYAN DE ORO CITY – Gimanduan ni Police Regional Office 10 Director Brig Gen Jaysen de Guzman ang ilang lower units nga walay ihatag nga kumpiyansa sa mga lugar nga mabutang sa green category sa 2025 elections sa Northern Mindanao region.
Kini tungod kay dili nila kontrolado ang tanang lihok sa mga nagka-ribal nga mga kandidato nga mo-resulta sa bayolente nga senaryo tungod lang sa politika.
Miingon si PRO 10 spokesperson Maj. Joann Navarro nga direktiba ni De Guzman nga dili i-ubos ang kahugot sa seguridad nga kasamtangang gipatuman ilabina nga sa Enero 2025 pa magbaton sa kontrol ang Commission on Elections.
Hisayrang kabahin sa gihataga’g pagtutok sa Philippine National Police o PNP ang nabiling tulo ka adlaw sa pagduso sa mga kandidato sa ilang mga kandidatura.
