CAGAYAN DE ORO CITY – Gipaniguro sa Police Regional Office 10 nga luwas ang seguridad sa katawhan batok sa bisan unsa nga posibleng kagubot nga mahitabo sa Northern Mindanao.
Kini tungod sa pagpadayag sa daghang katawhan sa ilang pagsupak nga gidakop si kanhi Pres Rodrigo Duterte sa International Criminal Court o ICC kay aron manubag sa crime against humanity case nga nasang-at sa mga reklamante dinhi sa Pilipinas.
Miingon si PRO 10 spokesperson Major Joann Navarro nga anaa nag-unang tuyo sa kamanduan sa Camp Crame nga gitas-an nila ang seguridad sa tibuok nasud kay aron paspas maka-responde ang mga pulis sa posibleng mga kagubot.
Apan siya miingon nga gikanaug na lama’g balik sa Krame ang kahimtang sa seguridad ug walay natala nga kagubot.
Hinoon,natala ang mga peace rally sa pipila ka bahin sa rehiyon nga naglakip sa Iligan City,Lanao del Norte,Misamis Occidental,Bukidnon ug mismo dinhi sa syudad.
