CAGAYAN DE ORO CITY – Hugot ang koorrdinasyon sa Police Regional Office o PRO 10 ngadto sa 4th Infantry Division,Philippine Army batok sa dala nga bahad sa Communist Party of the Philippines- New People’s Army o CPP-NPA sa Northern Mindanao.
Kini nunot sa laing tuig sa anibersaryo sa maong armadong grupo ning bulana.
Gibutyag ni PRO 10 regional director Brig Gen Jaysen De Guzman nga hinoon walay nasagapan nila nga mga impormasyon nga mosabwag sa kagubot ang maong pundok sa rehiyon alayon sa ilang kasaulugan.
Siya miingon nga giabagan nila ang mga sundalo pinaagi sa aktibong pagsuhid usab sa bukiran gamit ang ilang Regional Mobile Force Company (RMFC 10) nga dunay counterpart sa matag-probinsya ug mga syudad.
Dumduman nga kabahin ang Northern Mindanao nga adunay suliran sa insurhensiya bisan sa ibalik-balik nga sulti sa gobierno nga nagkahuyang na ang CPP-NPA epekto sa whole of the nation approach nga gipatuman pinaagi sa o NTF-ELCAC.
