CAGAYAN DE ORO CITY – Gimanduan ni Police Regional Office Director Brig Gen Rafael Santiago Jr ang provincial ground commanders nga hugtan ang seguridad sa vital installations ug mga pampublikong lugar sa rehiyon.
Kini sa tuyo nga dili makahigayon pagpanghasi ang grupo sa mga terorista nga nakahimo’g kagubot sa pipila ka bahin sa Mindanao.
Gihimo ni PRO-10 spokesperson Lt Col Mardi Hortillosa ang pahayag tungod sa laing pagbuto sa improvised explosive device o IED diin walo ka tawo ang samaron sa Isulan,Sultan Kudarat.
Kini ilabina nga daan nang alerto ang rehiyon hinungdan igo na lamang pahugtan sa police provincial directors ang security measures nga gitahas kanila sa Camp Alagar.
Samtang gitumbok sa militar nga posibleng hinimuan sa Bangsamoro Islamic Freedom Figthers o BIFF ang pagpabuto’g improvised explosive device o IED sa merkado sa Isulan,Sultan Kudarat.
Kini human unang nakit-an ang pipila ka porsyon sa IED diin naglakip sa nagbungkag nga bahin sa celphone.
Namahayag si AFP Western Mindanao Command spokesperson Maj Arvin Encinas nga wala nila wad-a
nga pagsabwag sa kahadlok lamang ang usa sa mga motibo sa mga suspek.
Una niini,samaron ang walo ka tawo nga naigo sa tipaka sa mibusikad nga bomba sa miaging semana.
