CAGAYAN DE ORO CITY – Suportado ni Police Regional Office 10 Director Brig Gen Rolindo Suguilon ang liderato ni PNP chief Gen Nicolas Torre III.
Kini taliwala nga adunay gamay’ng wala pagsinabot tali sa buhatan ni Torre ug National Police Commission/NAPOLCOM-Manila.
Matud ni PRO 10 spokesperson Major Joann Navarro nga ubos sa timon ni Suguilon,nagkahiusa ang mga pulis sa Northern Mindanao aron paluyuhan ang mga reporma,programa ug disiplina nga gipatuman ni Torre sulod sa PNP.
Siya miingon nga pabilin ang ilang kaakuhan nga ipatuman ang mga tahas niini kinuyugan sa propesyonalismo, disiplina ug pagtahod sa tanang kasuguang-legal sa nasud.
Dugang sa Kampo Alagar nga kinuyugan sa kadasig ug integridad, mopadayon sila sa pagtunol sa ilang mga sinumpaang kaakuhan aron sa pagprotehir sa katilingban giniyahan sa gisangon nga gahom ug direksyon ni Torre.
Dumduman nga tuyo ipa-recall sa Napolcom ang mga re-assignment sa PNP officials kay daw dili pa pinal apan wala makauyon niini si Torre.
Kini ang rason nga kabahin sa Suguilon sa 18 ka brigadier generals sa halos 20 ka police regional offices ang mipirma aron ipalig-on ang tactical troop adjustments nga gipatuman ni Torre.
Hisayrang si Torre nagsugod sa pagpangulo sa PNP dihang gitudlo ni Pres Bongbong Marcos isip hulip kang retired chief Gen Rommel Marbil niadtong Hunyo 2 ning tuiga.
