CAGAYAN DE ORO CITY – Aktibo nang gipatuman sa Police Regional Office 10 ang regionwide security implementation plan alang sa Ligtas Kapaskuhan sa lima ka probinsya sa Northern Mindanao.
Kini human imando ni PRO 10 regional director Brig Gen Jaysen De Guzman sa tropa nga hatagan sa seguridad ang katawhan ug govt vital installations alayon sa pagsulod na sa rehiyon sa mga kalihukan sa kapaskuhan ug umaabot pagsugat sa bag-ong tuig.
Miingon ang heneral nga dili niya gusto nga malutsan ang seguridad hinungdang gipalig-on pa ang pagtrolya sa mga pulis sa mga lugar diin dagsa ang katawhan sama sa simbahan,malls,mga mercado,public terminals ug pantalan.
Partikular gipatutukan ni De Guzman ang siyam ka misa kada-kadlawon ayha ang kasaulugan sa pasko ug pagsugat sa bag-ong tuig.
