CAGAYAN DE ORO CITY – All set na ang Police Regional Office 10 paghatag seguridad sa nagkadaiyang bahin sa rehiyon alayon sa pagduso’g sertiko de kandidatura sa mga kandidato sa 2025 elections nga mosugod ugmang adlawa.
Miingon si PRO 10 spokesperson Maj Joann Navarro nga kini ang pinakaunang tahas nga gisangon sa ilang bag-ong regional director nga si Brig Gen Jaysen De Guzman.
Gibutyag si Navarro nga may mga koordinasyon na sila nga gihimo sa nagkadaiyang mga buhatan sa Comelec aron pagsiguro nga makab-ot ang hapsay nga pagduso’g COC sa probable candidates nga molungtad petsa 8 sa Oktobre ning tuiga.
Dugtong niini,gusto ni CDe Guzman nga ilhon kon dunay mga politico nga nalambigit sa narco-politics sa Northern Mindanao.
Kini ang rason nga gisugo niya ang tanang city ug provincial directors nga mohimo’g subsob nga pagpaniid kon kinsa kadtong mga politilko nga molambigit sa paglusot sa illegal nga droga aron dunay magamit sa eleksyon sunod tuig.
Miingon si Navarro nga dili lang simple nga kalampusan kontra illegal nga droga ang gusto ni De Guzman apan bisan ang mga pinakautok ilabina nga paangat na ang eleksyon sa nasud.
