CAGAYAN DE ORO CITY – Gipangandaman na sa Police Regional Office 10 ang gitakdang pagpatuman ni incoming PNP chief Major General Nicolas Torre III nga 3 minute response time ngadto sa publiko nga mangayo’g tabang gikan sa kapolisan.
Kini tungod kay mismo si Torre ang nakaporma sa maong estratehiya aron paspas matubag ang pangihanglan sa police assistance sa katawhan.
Namahayag si PRO 10 spokesperson Major Joann Navarro nga alayon usab niini,natayming nga mihimo sila sa pagpalig-on sa technology oriented response seminar sa lower units alang sa epektibong pagtubag sa mahitabong kreminalidad.
Hisayrang sulod ning bahina sa tuig, adunay dako nga pag-ubos sa eight focus crimes sa rehiyon tungod sa gipalig-on nga kontra-kriminalidad nga kampanya sa puwersa sa estado.
