CAGAYAN DE ORO CITY – Mahatag sa Police Regional Office 10 ug 4ID,Philippine Army ang igong seguridad bisan kon mismo sulod ning adlawa himoon ang 2025 midterm elections sa Northern Mindanao.
Kini ang gihatag nga garantiya sa PRO -10 atubangan sa Commission on Elections 10 sa ikaduhang panagtagbo nila kuyog ang Armed Forces of the Philippines o AFP ug Philippine Coast Guard o PCG sa Kampo Evangelista ning syudad sa miaging semana.
Miingon si Major Joann Navarro,tigpamaba sa PRO 10 nga may igo na sila nga puwersa matag-probinsya aron gamiton sa piliay sa Mayo 12.
Una niini, gikompirmar sa Kampo Alagar nga usa ang lungsod sa Nunungan sa Lanao del Norte nga hatagan nila sa prioridad sa pililay.
Kini tungod sa gilauman nga kainit sa politika diin gi-ambush patay ang election officer sa Comelec niadtong Disyembre 2024.
