CAGAYAN DE ORO CITY – Balunon ni incoming PRO-BARMM regional director Brig Gen Jaysen de Guzman ang iyang halos tuig nga kasinatian sa pagserbisyo sa Northern Mindanao sa bag-ong tahas nga gihatag kaniya ni PNP chief Gen Nicolas Torre III.
Kini human kabahin siya sa lima ka PNP regional directors nga nahatagan sa bag-ong tahas diin siya gi-relib sa Police Regional Office 10 ug gipuli ang iyang mistah o classmate nga si Brig Gen Rolindo Suguilon.
Miingon si De Guzman nga kung unsa man ang nakab-ot nga kalampusan ug kadungganan sa PRO 10, epekto kini sa kakugi sa mga pulis,govt ug non-govt organizations partners aron mamintinar ang kahusay’g kalinaw sa rehiyon.
Tipik sa mitatak nga kalampusan sa PRO 10 ang bag-uhay lang 2025 midterm elections sa rehiyon nga walay bisan usa ka kaso sa election related incident nga natigayon.
