CAGAYAN DE ORO CITY – Gihupay sa Police Regional Office 10 ang gibating kabalaka sa publiko kabahin sa kahimtang sa panglawas sa ilang regional director nga si Brig Gen Ricardo Layug Jr.
Kini bisan kon apektado ang ulo sa heneral kay nabundak sa sementadong bahin sa pantalan sa Brgy Magting,Mambajao,Camiguin.
Miingon si PRO 10 spokesperson Police Maj. Joann Navarro nga mihimo sa routirinary troop inspection ang heneral dihang natigayon ang hitabo.
Namugos ang Camp Alagar nga anaa na sa maayong kahimtang si Layug apan mipaubos pa sa dugang medical checkup sa pagsiguro nga walay seryoso nga suliran sa panglawas gumikan sa hitabo.
Unang milugwa ang taho nga nadigyas ug nabundak ang ulo sa heneral rason sa dinalian nga pagkadala niini sa ospital.
