CAGAYAN DE ORO CITY – Wala protektahi sa Police Regional Office 10 kon pananglitan nalambigit sa mga ilegal nga kalihukan si Tony Yang nga dunay mga negosyo nga gipadagan sa syudad ug Misamis Oriental.
Kini ang depensa Police Major Joann Navarro kon kabahin sa nagkatag nga hulagway ni Yang nga katupad paglingkod si PRO 10 Director Police Brig Gen Ricardo Layug Jr.
Miingon si Navarro nga kabahin sa trabaho ni Layug ang pagbaton sa maayong sa relasyon ngadto sa mga dagkong mga negosyante sa rehiyon.
Una niini,milugwa ang mga impormasyon nga sulod-gawas sa Kampo Alagar si Yang ilabina kon adunay dagkong mga kalihukan ang PRO 10.
Hisayrang wala gihimakak apan gikompirmar ni Navarro nga lehitimo ang mikatag nga hulagway diin nag-abay si Layug ug Yang sa usa ka pagpangaon.
