CAGAYAN DE ORO CITY – Gipangayua’g tubag sa Police Regional Office 10 ang Regional Explosives Ordnance Disposal and Canine Unit 10 ko nganong dili una angayang ma-suspenso ang post blast investigation course sa ilang area of operations sa Northern Mindanao.
Kini human nakahatag alarma sa publiko ang unang mga mikatag nga impormasyon nga dunay pagbusikad sa sakyanan nga kargado sa flash powder hinungdan sa pagkaangol sa pipila ka pulis nga kabahin sa training ug practical exercises sa Purok 4,Brgy Poblacion,Libona,Bukidnon.
Miingon si PRO 10 spokesperson Major Joann Navarro nga naghulat sila sa detalyado nga imbestigasyon sa hitabo aron mahukman kon unsay angay sundon nga mga gabayan ug kalikayan na ang susamang sitwasyon.
Siya miingon nga padulong ang pipila ka pulis ug instructors sa Sitio Bugsok sa maong lungsod dihang mibusikad ang flash powder nga sakay sa Isuzu DMAX hinungdan samaron ang duha personalidad.
Hinoon,dili ra peligro ang kahimtang sa mga biktima ug wala na masulod sa ospital mismo sa pagkatigayon sa hitabo.
Una nang gihupay sa PRO -10 subay sa opisyal nga pahayag sa Bukidnon Police Provincial Office ang kabalaka sa publiko nga dunay bomba nga mibuto nga resulta sa panghitabong-kriminal.
Miapelar ang Bukidnon PPO nga dili motoo sa sayop nga mga impormasyon ug hunungon na ang pagpakatag kay wala kini mahatag nga kaayuhan sa katilingban.
