PRO-10 Director nagmando og hugot nga kampanya batok sa ilegal nga pagmina sa Northern Mindanao. Ang mga opisyal nga magpabaya manubag. Basaha ang detalye!

Gikondenar ni kanhi Bayan Muna Representative ug Bagong Alyansang Makabayan leader nga si Atty Carlos Isagani Zarate ang giingong pag-insistir sa Estados Unidos nga dili ipatuman ang lokal nga mga balaod sulod sa gitukod nga Pax Silica hub, nga iyang gitandi sa kaniadtong mga base militar sa Clark ug Subic.

Gibutyag ni Zarate nga wala ipadayag sa publiko ang bug-os nga kasabutan ug giproseso kini pinaagi sa Department of Trade and Industry aron matago ang giingong militar ug politikal nga interes niini.

Gipasabot usab niini nga gawas sa posibleng paglapas sa soberanya sa nasud, limitado lamang nga mga manual labor nga trabaho ang mahimong makuha sa mga Pilipino tungod kay teknolohiya ug makinarya ang magdumala sa kadaghanan sa operasyon.

Gipadayag sa kanhi kongresista ang pagduhaduha sa mga saad dili makahatag sa dakong kaayohan sa ekonomiya sa nasud.

Gipunto ni Zarate nga nagpabiling atrasado ang Pilipinas sa rehiyon bisan pa sa dugay nang pagsalig sa mga polisiya ug impluwensya sa Estados Unidos.