PRO-10 Director nagmando og hugot nga kampanya batok sa ilegal nga pagmina sa Northern Mindanao. Ang mga opisyal nga magpabaya manubag. Basaha ang detalye!

Mipahimangno ang Police Regional Office-10 nga manubag ug mag-atubang sa silot ang mga field commanders sa kapulisan nga mapamatud-ang nagpabaya sa pagsumpo sa ilegal nga pagmina sulod sa ilang hurisdiksyon.

Gimando ni Police Regional Director Police Brigadier General Nestor Babagay Jr. ang tanang hepe sa kapulisan nga lihokon dayon ang mga kaso sa illegal mining sa lokal nga lebel ug dili na hulaton pa nga moabot sa regional office ang mga reklamo.

Gipatin-aw ni PRO-10 Spokesperson Police Major Joann Navarro nga walay kamatuoran ang paggamit sa ngalan sa ilang liderato isip panalipod sa mga nalambigit sa ilegal nga kalihukan tungod kay hugot kining gidili sa organisasyon.

Gikompirmar usab sa opisyal nga walay bisan kinsa nga gitugotan sa kapulisan nga moprotehir o mopabor sa mga grupong nagpaluyo sa ilegal nga pagmina.

Gipasalig sa PRO-10 ang padayong koordinasyon uban sa Department of Environment and Natural Resources ug Mines and Geosciences Bureau aron hingpit nga mapapas ang ilegal nga pagmimina sa tibuok Northern Mindanao.