CAGAYAN DE ORO CITY – Aktibong gisaulog sa Police Regional Office 10 ang ika-30 ka tuig nga Police Community Relations/PCR sulod ning bulan 2025.
Kini aron ipalanog ang tema sa PCR month celebration ceremony nga nagkanayon nga Sa Bagong Pilipinas,Ang Gusto ng Pulis,Ligtas Ka aron saw-an sa dili lang sa kapolisan apan sa tanang stakeholders nga nakabase sa Northern Mindanao region.
Nagsilbing dinapit nga mamumulong sa maong kalihukan si Atty. Ramon Alfredo De la Cruz kinsa bag-o nang acting regional director sa National Police Commission 10.
Siya miingon nga ang pagkab-ot sa kahusay’g kalinaw sa rehiyon ang dili lang trabaho o obligasyon sa security forces apan angayang anaa ang aktibo nga partisipasyon gikan sa katawhan.
Gibutyag ni De la Cruz nga dili mahimong pasagdan apan angayang ipatuman ang ‘whole of the nation approach’ aron dili lisod kab-uton ang kahusay’g kalinaw sa usa ka komunidad.
