Wala pa langkata sa Police Regional Office 10 ang giisa nga FULL ALERT STATUS sa tibook Northern Mindanao. Gibutyag ni Police Major Joann Navarro nga walay bisan gamay nga kumpiyansa nga gihatag ang kapulisan batok hulga sa Communist – Terrorist Group ug bisan ang hulga nga dala sa Local Armed Conflict Groups. Unang migula ang report nga ang mag-amahan nga namusil sa Bondi Beach Australia, nasuta nga nagbiyahe pa sa Mindanao, ug dinhi nagtuon sa pagmugna sa improvised explosive device, ug nagbansay sa ilang teroristang kalihukan. Miingon si Navarro nga wala sukad mihinay ang intel sharing sa PNP ug AFP kalabot sa maong kalihukan, busa alerto kini taliwala nga migula na ang maong report gikan sa international community. Mahinumduman nga usa ang syudad sa Cagayan de Oro ang nag-adjust sa mga kalihukan tungod sa nadawat nga hulga batok CTG sugod Oktobre.
