CAGAYAN DE ORO CITY – Wala pasagdi apan hilom nga nagtrabaho ang kapolisan pagsulbad sa kamatayon ni late Cogon Police Station commander Capt Abdulcahar Armama nga gipusil sa motorcycle in tandem suspects sa Brgy Bulua sa syudad sa miaging bulan.
Kini ang depensa ni PRO 10 Director Brig Gen Jaysen De Guzman nunot sa pagdangop sa pamilya ni Armama sa buhatan sa usa ka politiko aron matabangan sa pagkab-ot sa dinaliang hustisya sa hitabo.
Miingon si De Guzman nga dili nila gusto nga magpataka’g tudlo sa mga akusado aron dili mausik ang ilang panahon sa sayop nga pagkaso sa korte.
Si Armama ang gi-ulo pagpusil gamit ang kalibre 45 tungod sa gitoohang police related works sa dihang kumander pa kini sa Cogon Police Station.
Hisayrang midangop ang pamilya kang Cagayan de Oro 1st District Cong. Lordan Suan kay nangindahay pagkuha sa dinaliang hustisya sa kamatayhon niini.
