Gibubu-an sa dugang puwersa sa Police Regional Office – 10 taliwala nga wala sila nagpadala sa request for augmentation gikan sa Kampo Krame.
Miingon si Police Major Joann Navarro, tigpamaba sa PRO 10, nga gideploy ang mukabat sa 50 ka police personnel gikan sa Regional Mobile Force Battalion ngadto sa COCPO isip preparasyon sa umaabot nga Kapaskohan ug holiday season.
Mitin-aw si Navarro nga bisan wala pay direktiba gikan sa kaulohan, padayon nga gi-activate sa kapulisan ang quick reaction teams ug reactionary standby support force aron makaresponde dayon kung manginahanglan pa sa dugang nga personahe.
Ang security plan sa PRO-10 nalatid sa Ligtas Paskohan 2025. –
