CAGAYAN DE ORO CITY – Giila ni Police Regional Office 10 Director Brig Gen Jaysen De Guzman ang dakong tabang nga natunol sa grupo ni MILF North Western Mindanao Front Commander Abdullah Macapaar alyas Kumander Bravo aron makab-ot ang lahutay nga kalinaw sa rehiyon.
Kini human angkona sa heneral nga daghang higayon nga gidu-ulan sa gobierno si Kumander Bravo aron pangunayan ang paghupay sa sulirang-armado partikular sa mga lungsod sa Lanao del Norte diin anaa ang pipila ka armadong mga grupo.
Siya miingon nga tipik sa rason nga nakab-ot sa Comelec ang sobra ka malinawon nga May 12 elections mao ang paglihok sa tropa ni Kumander Bravo sa maong probinsya.
Dumduman nga ang lungsod sa Nunungan,Lanao del Norte ang kanhi nakaisa sa red alert category tungod sa intense political rivalry sa mga kandidato sa miaging eleksyon.
