Gikompirmar sa Police Regional Office 10 nga ilang giisa ang Heightened Alert status, alayon sa ika 57 ka tuig sa anibersaryo sa rebolusyonaryong katukuran ug kalihukan sa New Peoples Army (NPA) sa Marso 29.
Namahayag si PRO-10 Director Police Brigadier General Christopher Abrahanon nga naka alerto ang kapulisan sa among adlaw sa posibleng himoon nga mga dautang kalihukan sa rebeldeng grupo nga makaguba sa kalinaw sa mga komonidad.
Nakigkoordinar ang mga kapulisan sa Armed Forces of the Philippines (AFP) sa pagbantay seguridad sa among adlaw aron masanta ang ilang dautang tumong.
Hinoon, miingon si Abrahano nga nipis na ang tsansa sa ilang armadong pakigbisog kay nabungkag na sa mga otoridad ang ilang mga guerilla fronts ilabe na dinhi sa Northern Mindanao.
Si Abrahano midasig sa mga namuyo sa komonidad nga ereport sa labing duol nga istasyon sa pulis ang kaso sa pagpangilkil ug pagpanghasi nga himoon sa ilang nahibiling mga sakop sama sa militia ng bayan ug mga NPA sympathizers.
