CAGAYAN DE ORO CITY – Dili gusto ni Police Regional Office 10 Director Brig Gen Jaysen de Guzman nga hilaw ug huyang ang mapasaka nga kasong criminal batok sa utok sa kamatayon ni Cogon Police Station commander Police Capt Abdulcahar Armama ning syudad.
Kini maoy iyang mando ngadto sa Special Investigation Task Group nga gitukod alang sa pagsulbad sa gidangatan ni Armama.
Miingon si PRO 10 spokesperson Major Joann Navarro nga nakahimo na’g unang panagtagbo ang SITG diin nahatagan na sa katin-awan ang pipila ka pangutana kon nganong gipusil-patay ang biktima samtang mipauli sa ilang pinuy-anan gikan sa trabaho sa miaging semana.
Hisayrang gisalikway na sa SITG nga adunay koneksyon sa ‘rido’ ang kamatayon ni Armama.
