Preparado ang Police Regional Office -10 sa posibleng mahitabo sa rehiyon samtang ipahigayon sa Romano Katoliko ang siyam ka adlaw nga misa-nobena pinaagi sa simbang gabi ug misa de gallo. Namahayag si Police Major Joann Navarro, spokesperson sa PRO-10 nga wala silay natala nadawat nga impormasyon batok terror threat alang sa ipahigayon nga mga relihiyosong aktibidad. Apan, kanunay alerto ang ilang lower unit ilabe na nga sa Disyembre ipahigayon ang selebrasyon sa katukuran sa Communist Party of the Philippines (CPP). Gisaad sa kapulisan nga ipatuman ang ilang 3-5 minute response panahin sa emerhensiya ug gi-awhag ang publiko nga mutawag sa ilang emergency hotlines sama sa 911. Aron mahuptan ang kalinaw, mi-apelar ang kapulisan sa hugot nga koordinasyon sa katawhan.
