CAGAYAN DE ORO CITY – Wala pa’y bag-o nga listahan ang Police Regional Office 10 kabahin sa mga lugar nga hayan ipaubos sa area of immediate concern kay naghinobra ang kainit sa politika sa mga kandidato sa 2025 elections sa Northern Mindanao.
Kini ang gibutyag ni PRO 10 Director Brig Gen Jaysen De Guzman kabahin sa ilang usab gipreparahan nga dakong kalihukan alang sa sunod tuig.
Miingon si De Guzman nga mag-agad pa sila sa ilugwa nga listahan gikan sa Comelec ayha nila gahinan sa igong puwersa kon gikinahanglan.
Hisayrang sunod-sunod na ang panagtagbo sa militar,kapolisan,PCG ug Comelec alang sa maong pagpangandam.
